曼秀雷敦強效驅蚊噴霧-Kam Hon

而家好少出街，但好在屋企有天台，平日就同小朋友上天台玩，不過而家開始暖，D蚊仔開始出動，所以上親天台玩就會先同小朋友用防蚊用品。 我一直以來都用純天然的香茅蚊水，蚊水是朋友特地做比我的，不過好老實，功效就真係一般般，可能噴後的頭十幾分鐘就OK，之後都試過比野咬。 今次係我第一次試用「曼秀雷敦強效驅蚊噴霧」，我覺得個香味幾清，唔太勁，最少冇我平時用那枝香茅勁。 其次係幾爽，噴完唔會有立痴痴的感覺。 最後不得不讚佢的驅蚊能力真係唔錯，我在天台試了幾晚都完全冇蚊咬。 所以我會繼續用，不過如果日後再出細枝裝就更好呢，可以更方便帶出街。