UNIQLO AIRism抗UV網紋連帽外套-包比媽媽

曾經睇過一啲育兒文章內容提及，
據估計，兒童每年接受紫外線照射量是成人的3倍；更有研究表明，長期反覆的無保護性日曬，會增加日後發生皮膚癌的機率。
所以我亦都開始注重同小朋友做防曬嘅準備。

但係我小朋友個皮膚比較敏感，而且又唔太鍾意搽膏係身體上，覺得癡立立感覺好唔舒服，更曾經有新聞報道有小朋友用防曬霜敏感導致燒傷，所以一直我都喺度搵緊仲有咩其他方法可以幫佢哋放矖。

佩戴太陽帽嘅話又唔太方便，動作稍為大啲帽都會跌落嚟。加上小朋友比較大汗，用傳統嘅太陽帽都比較焗身，所以呢個都唔算係一個好方法。

直到有次見到UNIQLO 岀左UNIQLO AIRism抗UV系列既外套。
即刻比我感覺好啱小朋友用
早幾日就俾小朋友着出街試吓咩感覺。

首先外套顏色吸引，小朋友都唔抗拒，而且係呢個天氣帶件外套出街除咗可以防曬之餘亦都可以保暖。
因為而家天氣乍暖還寒，着長袖就覺得好熱着短袖又覺得有啲涼。
呢件外套裏面着件短袖衫就啱啱好。
外套輕便，透氣乾爽，一啲都唔焗身，外套仲配合有帽既設計，鍾意嘅可以帶住而頭仔都唔會覺得焗，啱晒大汗既小朋友，
唔着嘅時候放喺背囊都唔覺得重。

經過今次嘅試着，我都會推介俾我身邊嘅朋友仔一齊買，因為外套集合抗UV、透氣乾爽 而且有效阻隔紫外線達90% 加上大眾化嘅價錢絕對係家長為小朋友做防曬嘅必備產品之一。