UNIQLO AIRism抗UV網紋連帽外套-JohnMaMa

而家抗疫情間，見到有太陽真係好開心，好想帶小朋友到效外少人既地方曬曬太陽，同陽光玩遊戲。但怕陽光紫外線等傷害小朋友皮膚，我會幫佢做好防曬措施。

我小朋友細個時皮膚濕疹未太嚴重，我會幫佢查上防曬乳液，但小朋友濕疹嚴重後，防曬產品因為質地比較黏立，加上皮膚有損傷，小朋友唔願意查上防曬產品到手腳上。只好穿著長衫長褲保護皮膚以免曬傷。

而UNIQLO既衣服經常做折扣優惠，所以我會經常買衣服比小朋友。其中一款AIRism抗UV網紋連帽外套，真係岩晒我小朋友，唔想查防曬產品到手上，但又保護到皮膚既好方法。AIRism抗UV網紋連帽外套，網紋設計，質地軟滑，透氣乾爽，有抗UV及有效阻隔紫外線達90%。著左抗UV網紋連帽外套，連帽都唔駛帶，小朋友成日跑跑下跌帽，而家一件衫就可以遮晒頭頂，後頸雙手既皮膚喇，而且小朋友成日玩到出晒汗，佢既網紋透氣設計唔怕焗親小朋友。