UNIQLO AIRism抗UV網紋連帽外套-詩寧
近日天朗氣清，最適合帶阿仔出去同陽光玩遊戲。但又擔心長期喺紫外線下容易曬傷、增加患上皮膚癌等風險，好彩有件防UV功效嘅衫就安心晒喇。
今次試著UNIQLO AIRism 抗UV外套夠輕便，可以防曬，阻擋到90%有害紫外線，原來仲可以防水，而且物料輕巧柔軟，好透氣，濕咗都好快乾。阿仔著住呢件外套出去玩，可以好好享受陽光，同時又做好防曬保護。
UNIQLO AIRism呢件抗UV連帽外套好方便，頂帽隨時用黎擋太陽或者毛毛雨時笠住小朋友頭仔都得。我喜歡買開襟外套比小朋友，彈性可以大D，有時天氣涼涼地想阿仔著衫，佢又嫌過頭笠嘅衫太焗促，咁就可以叫阿仔拉開拉鍊著住件外套啦!
我習慣出街幫阿仔帶件外套，UNIQLO呢件外套設計貼心，可以摺成細細個袋，帶出街十分方便，適合呢排忽冷忽熱嘅天氣，就算出入冷氣地方都唔怕啦。