Fisher-Price 感官訓練可愛動物健身器 - Gaga mami
首先好開心babygaga可以成為oh!爸媽嘅試用專員，今次化身Fisher-Price感官訓練可愛動物健身器嘅試用專員，令到係呢個疫情底下出世嘅babygaga增加不少快樂，亦分擔左我作為新手媽媽陪玩嘅工作。
大家都知最近疫情嚴重，babygaga基本上都冇得外出探索新事物。而正值厭奶期嘅佢最近經常哭鬧，但當佢試玩嘅時候好快就平靜返，仲好開心咁笑添，即刻奶奶都飲返多左。
首先張遊戲墊質地好柔軟舒適而且仲用不同嘅材質拼湊，可以好安心比囡囡瞓上去。亦有附送不同小配件刺激佢嘅五感，包括有反射鏡可以探索自我，有聲光小水瀨可以聽歌安撫同啟發聽覺，有淡淡香味嘅雲朶可以啟發嗅覺，仲有牙膠同布公仔啟發觸覺。可以自由掛在不同位置或者拆出黎分開玩。比起一般玩具更多樣化同方便。
只有兩個幾月大既gaga暫時只可以瞓低玩，但佢附送左個抱枕，遲下仲可以比佢趴著玩練習抬頭添。
而最令我驚喜嘅係有月齡卡布書，可以用黎拍照記錄每一個月快樂時光，簡直一物多用，唔駛擔心買到成屋都係嘢，放係床上面玩或者地下都得，啱晒香港人屋細都唔怕。而清洗都好方便，直接放落洗衣機就得。所以都好推介大家，比寶寶係屋企都唔駛悶，爸媽又可以輕鬆下唔駛做陪玩專員一陣。