當收到SMS嘅時候就知道自己中左「Fisher-Price 安撫睡眠小水獺」，好開心第一次成為oh!爸媽嘅試用專員 。
喺星期六嘅早上BB飲完奶之後，就聽到叮噹叮噹門鐘聲，原來係順豐速遞送到黎啦！！BB好開心有新玩具玩，飲完奶啱啱好又係瞓覺嘅時候啦，仲唔即刻試吓Fisher-Price 既水瀨公仔先。

bb本身瞓覺都好容易入睡，不過大家都知道有時BB都係鍾意要媽媽抱下先瞓覺， 原來小水獺既肚仔會模擬爸媽的呼吸，具節奏地輕柔起伏，BB抱著嗰時會有被安撫感覺。小水獺更會發出約30分鐘柔和音樂及舒適燈光去安撫BB，等佢地更輕易入睡。 本身屋企都有隻Fisher-Price 嘅長頸鹿，而家加埋「安撫睡眠小水獺」更加可以安定bb情緒同放鬆自己。bb攬住小水獺仲瞓到唔知醒起身飲奶，真係從來都未試過咁樣嘅情況出現啊。。哈哈原來仲舒服過攬住爸爸既肚腩仔㗎！ 可能因為模擬父母既呼吸起伏令bb更加放心入睡，而且音樂好柔和就連我聽到都想瞓埋一份，音樂仲可以調教大細聲絕對唔會嘈親BB。 爸爸夜晚睇到呢隻公仔都話想試吓呢隻公仔係咪真係咁犀利，究竟係咩嘢咁吸引呢？！ 原來水瀨仲有柔和嘅燈光，令怕黑既bb都可以放心入睡。 嚟緊朋友嘅BB就嚟出世我都會買來送俾佢哋做禮物，等新手爸爸媽媽有覺好瞓。 真係一個好好嘅選擇