維達 4D Deluxe 立體壓花 袋裝面紙 - Ching Tam

今次有機會試用維達4D Deluxe 立體壓花 袋裝面紙，一用就愛上咗，完全滿足哂我嘅要求。

嚴重鼻敏感嘅我，揀紙巾比一般人特別多要求，首先一定唔可以甩粉、易「梅」、一抹就黏哂係皮膚度，所以質素差嘅一定比我out走，否則慳慳埋埋嘅錢都唔夠去睇醫生。而且味道又唔可以太刺鼻，否則我又狂打乞嚏打唔停。而家有埋囡囡，呢類要求更加要多留意，囡囡皮膚毛孔細嫩，紙巾如果易甩粉、濕水又易梅，咁就會好傷囡囡皮膚，仲會易過敏。

維達4D Deluxe 立體壓花袋裝面紙嘅厚度適中、唔易甩粉，無論去廁所做大小事、狂抹鼻涕，都唔會因為紙巾濕水易「梅」、黏哂係皮膚度，而且味道有兩種揀，有綠茶淡香或天然無香，岩哂我同囡囡唔要太刺鼻嘅味道，我就最中意綠茶淡香，淡淡嘅香味用黎抹鼻就好舒服勒，加上呢款維達面紙柔韌度超好、棉柔舒適，用係囡囡皮膚上都唔使擔心會磨擦到佢細嫩嘅皮膚。