Fisher-Price 安撫睡眠小水獺 - Janehui

首先多謝oh!爸媽同Fisher-Price選中我參加「安撫睡眠小水獺」既試用體驗。諾熹瞓教係媽咪同婆婆當下最希望能夠解決嘅問題，因為我家傻b長期扭眼瞓，當佢眼瞓既時候會不停喊但又未能夠自己入睡，喺不情願既情況下唯有喺櫃底拎出奶嘴作安撫作用。

但治標不治本，每當奶嘴從口裡鬆咗出黎，傻b又開始扭計，高峰期一晚醒10次，呢個問題一直好影響全家人。

咁我地本身都想買一個安撫公仔俾傻b用，希望佢可以增加安全感一覺瞓天光，仲有唔再倚賴奶嘴，同時希望改善家人嘅睡眠質素。咁啱就收到Fisher-Price「安撫睡眠小水獺」，真喺非常好，呢隻小水獺個肚dump原來會模擬父母呼吸起伏咁發脹同收縮，亦有音樂幫助傻b入眠，個肚dump仲識發出柔和既光線安定情緒，最重要都係有安穩睡眠嘅作用。雖然小水獺需要入電，開頭我都諗緊可唔可以洗呢?咁我就睇說明書，好在佢拆左粒電之後都可以直接放入洗衣機清洗，咁都算方便。

諾熹都好鐘意呢個小水獺公仔，佢不停咬，成隻小水獺都浸哂佢口水喇。