Fisher-Price 感官訓練可愛動物健身器 - Ching Tam

囡囡而家四個月大啦，開始對四周圍嘅環境都好好奇，成日周圍望，勁八卦，腳仔亦愈黎愈有力，成日大大力踢，為咗令佢嘅感官發展得更好，前排買咗個床鈴，床鈴會發出音樂旋轉吸引囡囡眼睛耳仔嘅注意，但都好似唔係好受囡囡歡迎，反而今次好多謝Ohpama揀中咗囡囡試用Fisher-Price感官訓練可愛動物健身器，一放囡囡上軟棉棉嘅墊上，囡囡就勁High用腳狂踢樹獺水獺，發聲嘅水獺仲更受囡囡歡迎，佢呢家仲會手拎住絨毛樹獺陪佢食奶奶。

今次呢款健身器真係五感訓練哂，好似觀感視角就有小鏡子（囡囡呢家唔知係咪未慣，望住鏡子會呆左，唔知鏡入面嘅人係自己）、嗅角就有香味小雲彩（囡囡對小雲彩好感度差點，反而對食物味道反應大好多⋯哈哈）、聽力發展就有發音水獺（囡囡勁中意呢隻嘢，狂要我按響去）、觸感訓練就有絨毛樹獺同小書仔（囡囡好中意小書仔一揸落去會沙沙聲）、最後顧及埋牙齒健康就有葉子牙膠（囡囡用黎啜多）。

咁多嘢玩，呢家一放底囡囡就有排佢玩，分擔我陪囡囡玩嘅時間，最重要佢終於肯自己單獨玩，我可以有時間喺佢隔離摺下衫仔做下家務，唔使全日抱住，減輕媽媽手嘅痛楚，真係好推薦其他媽媽買，講真幾百蚊買返自由、又減輕媽媽手，最重要訓練到囡囡感官發展，真係抵返哂。