彩豐行蘆薈燕麥溫和沐浴露 - Flora Ha
長期受濕疹及皮膚敏感困擾的我成日會留意有助紓緩濕疹，保濕滋潤皮膚嘅產品。一見到Oh 爸媽有得試用含有燕麥成分，有效紓緩敏感問題嘅彩豐行蘆薈燕麥溫和沐浴露，即刻申請!
濕疹人士皮膚成日會好乾，長期缺乏水分，就好似我咁，宜家明明係夏天，隻手都可以乾到甩晒皮。加上疫情下，出街成日用酒精搓手液，對本來已經好乾嘅雙手，真係傷上加傷。
除左乾之外，我D皮膚成日會無啦啦紅咗一撻，有時仲好痕添!
以前都有聽過燕麥可以鎖住皮膚嘅水份，幫皮膚保濕; 蘆薈亦都係有保濕、抗炎嘅作用。彩豐行呢枝蘆薈燕麥溫和沐浴露唔單止可以減退乾燥、泛紅及痕癢，滋潤乾燥皮膚，同時能夠平衡皮膚pH值，最重要係不含類固醇。
第一次用，一擠出黎，就聞到似椰子的味道，塗上身上，好有質感，唔稀，唔會過於水狀。沖水後，感覺好似在皮膚上加咗一層薄薄的保護膜，令我平時好乾嘅皮膚份外滋潤，沖完涼都唔會好似以前咁皮膚乾爭爭。用咗幾日，皮膚真係冇之前咁紅同乾。好嘢，一定要推介比身邊朋友仔，同埋同我一樣有濕疹或皮膚敏感問題嘅人!