維達 4D Deluxe 立體壓花 袋裝面紙 - Candy

香港地道美食，莫過於一碗熱騰騰的雲吞麵。而一粒雲吞的好壞，一塊靚的雲吞皮，絕對係關鍵！在日常生活中，每日包得最多雲吞嘅，除咗雲吞麵舖阿姐，就肯定係鼻敏感嘅人啦！

其實揀紙巾，就同揀雲吞皮一樣。點為知靚嘅雲吞皮呢？咁就梗係要色香味俱全啦！

首先係色。色相方面，雲吞塊皮一定唔可以爆！老公同阿仔，兩個朝朝起身床都未落就攬住包紙巾不停包雲吞。睇住佢哋有時大力一擤，鼻涕奪紙而出，成手都係，真係睇見都覺得唔衞生。多謝維達俾咗兩條 4D Deluxe 立體壓花袋裝面紙試用。3層柔韌設計，厚薄啱啱好，比起一般2層嘅紙巾襟用，唔會一擤就穿，用一張就夠，夠曬環保。

第二，就係香啦。話明鼻敏感，個鼻真係好sensitive！紙巾啲味香啲濃啲都刺激到個鼻，不停打乞嗤！維達 4D Deluxe 立體壓花袋裝面紙有天然無香同綠茶淡香兩款選擇，適合大家唔同嘅需要。

最後，就係味啦。維達 4D Deluxe 立體壓花袋裝面紙通過皮膚科測試，溫和呵護肌膚，同時通過食品級檢測，亦無添加螢光增白劑，比小朋友用就更安心。

P.S.：近排疫情嚴峻，為減少外出次數，出親街就買幾日餸。對於我呢啲細細粒身形嘅媽媽，一個膊頭揹餸，一隻手拖住兩個小朋友，淨返一隻手拎易碎或揹唔上膊嘅物件，真係有「呢咁hea」嘅狼狽感！如果拎多條盒裝紙巾，真係腳都刮花幾劃！維達 4D Deluxe 立體壓花袋裝面紙嘅包裝 size 就啱曬啦！軟軟的包裝，真係拎多兩條都仲ok！