彩豐行蘆薈燕麥溫和沐浴露 - Bellachuchub

香港因為氣候問題, 好多人都有濕疹既困擾, 本身我都仲好慶幸自己冇濕疹問題, 但生完BB之後就突然有左濕疹。每次天氣一轉既時候就會痕, 特別係沖完涼之後, 水份流失完就特別乾特別痕, 就算之後即刻查cream, 查完唔夠半個鐘又痕, 真係令我好困擾。
好多謝Oh!爸媽揀中左我做彩豐行蘆薈燕麥溫和沐浴露既產品試用員, 星期六一放假就即刻去彩豐行換領產品。每次揀皮膚產品既時候我都會睇清楚佢有D咩成份先, 原來彩豐行依隻蘆薈燕麥溫和沐浴露蘊含燕麥、蘆薈等多種天然植物精華，溫和潔淨同時滋潤肌膚，可以幫助修復皮膚天然屏障、保持水分、舒緩肌膚乾燥痕癢。蘆薈同燕麥都系天然既護膚材料, 蘆薈可以有效舒緩曬傷，減少炎症，滋潤，減輕痕癢, 而燕麥係非常適合敏感肌膚使用既天然成份，燕麥既活性保護成份，可以平衡皮膚酸鹼值，並幫助維持皮膚既保濕屏障，防止皮膚乾澀。好多人每日都用好多唔同既護膚品去保濕護膚, 但就忽略每天沖涼同洗臉既肌膚清潔先係守護肌膚的第一道關卡。以前我都係隨心買沐浴露黎用, 覺得都係沖乾淨皮膚無咩所謂, 但有左濕疹之後我對沐浴露既要求高左, 天然成份同保濕係最重要既因素。總結, 用左彩豐行蘆薈燕麥溫和沐浴露3日, 皮膚痕癢既問題真系明顯改善左, 沖完涼果一剎那皮膚冇好似以前甘繃緊, 我會keep住日日用, 亦會分享依隻產品俾我身邊同樣有濕疹問題既朋友。