維達 4D Deluxe 立體壓花 袋裝面紙 - Winnie hung
好開心今次被oh爸媽抽中咗做「維達 4D Deluxe 立體壓花 袋裝面紙」嘅試用員，我係一個用紙超級多嘅人，係屋企係我主要負責買紙巾嘅，而返到公司我都會自備面紙，所以都會有一定嘅要求，首先不得不讚係佢嘅包裝設計簡約方便十分慳位，放喺房間定公司桌上都非常方便。而且仲有得選擇原味同綠茶淡香味，而且紙巾用壓花嘅設計都非常衛生沒有顏料。而且每張紙嘅size 都恰到好處唔會覺得太大張而覺得浪費。
面紙方面佢嘅質地非常軟熟而且冇細小嘅紙碎甩出嚟，另外堅韌程度都非常好，所以都非常適合嬰兒使用，而且可以選用天然原味（紫色），有時都可以用嚟幫bb 抹下面仔同口水，流鼻水都可以用添，甚至濕少少水用嚟換片片都可以，特別係細細包可以同BB出街嘅時候，可以放係袋度以避不時之需！同小朋友出街抹吓手同餐具都唔似其他牌子嘅紙巾。
大人方面當然會選擇清清淡香嘅綠茶味啦（綠色），我家人都非常之鐘意，果陣味令人覺得好醒神，唔會太刺鼻，抹咀剛剛好，就算有油都會抺得好乾淨，返工眼瞓嘅時候攞出嚟聞一聞，都即時令人醒一醒神，心情都靚晒，真係好神奇啊！
其實我都有用開盒裝嘅維達四層盒裝紙巾，開頭諗住係會一模一樣嘅紙質，點知原來係有分別嘅，開頭係有啲失望，盒裝係好好多㗎，但係用咗之後發覺包裝紙巾呢都各有特色，可以係話輕便裝囉，唔會有損佢嘅質量。