彩豐行蘆薈燕麥溫和沐浴露 - ChristineL

公司附近有間彩豐行，平時lunch都會陪同事去行下逛下，買過護膚面膜產品，覺得價錢合理，質素不差!今次見到ohpama 推出「蘆薈燕麥溫和沐浴露」試用，決定試一試，好開心抽中可以試用。首先，呢款蘆薈燕麥溫和沐浴露含燕麥、蘆薈及多種天然植物精華，溫和潔淨同時滋潤肌膚，有助修復皮膚天然屏障、保持肌膚水分；有效紓緩肌膚乾燥痕癢，改善皮膚因缺水引發的乾燥、泛紅、痕癢現象。今年天氣好乾，經過冬天到夏天，皮膚keep住都好乾燥，加上上班長期吹冷氣，現時又要經常洗手，對皮膚真係帶嚟好大傷害。試過用好多hand lotion，不過效果都係一般般。反而轉左用呢款沐浴露後真係改善到皮膚乾燥既問題，我同屋企人用左一星期，明顯覺得全身皮膚潤滑左，手部皮膚明顯有改善，因為不停洗手同使用酒精所引起既脫皮情況都有好轉。其次，我平時都好中意用有蘆薈成分既產品，覺得天然得嚟真係有效用，所以今次除左有燕麥呢個“新驚喜”再加上蘆薈，效果真係幾令人滿意。總結，呢款蘆薈燕麥溫和沐浴露真係值得一試，保濕潤膚之餘，仲有牛奶椰子既香味令人舒服放鬆，用後都會繼續用，同推介同事下次一齊再去選購!