彩豐行蘆薈燕麥溫和沐浴露 - Magmaggie

我有三個小朋友，呀仔有濕疹及乾燥皮膚，自小要另外用一堆沖涼同護膚產品。皆因與濕疹有關嘅產品都好貴，所以其餘兩個小朋友我只用普通小朋友用嘅產品。最近天氣特別熱，我自己同小朋友皮膚都開始因為出汗多而痕癢同紅。我哋住喺村屋，加上冇得出街，小朋友會出花園跑同埋在水池玩水，皮膚比之前乾燥，亦都開始痕，好幸運見到彩豐行呢支蘆薈燕麥溫和沐浴露參加試用。它有蘆薈、燕麥、蔗糖同埋植物抗敏精華，不含致敏成份同類固醇，最緊要大大支又勁有用，我自己第一日用，已經感受到佢嘅好處。 一泵出嚟係好舒服的香味，沖洗後感覺易沖乾淨不殘留，我仔試過好多濕疹沐浴露，有些感覺係沖極都唔乾淨咁，佢之前沖完涼都會周身搔，而呢兩個禮拜真係明顯改善咗。我同其餘兩個小朋友用咗之後，皮膚乾燥同痕癢亦都大大減少，不用再另外搽潤膚露，我大女最怕痴笠笠，而家佢自己沖涼自動會用。彩豐行呢支沐浴露我之後都會買，我亦會推薦朋友用，因為佢性價比極高，一家人都可以用，最緊要佢對乾燥、濕疹、泛紅等敏感皮膚有效改善，而普通皮膚用亦更保濕。