彩豐行蘆薈燕麥溫和沐浴露 - StellaNg
我皮膚一直偏乾性，加上夏天出面又熱又曬，返到室內成日都開冷氣，令皮膚乾燥痕癢。有時熱得滯仲會一日沖幾次涼，皮膚就更乾，變相愈沖愈痕。搽cream保濕的話，成身就會痴立立，冇咗沖完涼果種清爽嘅感覺。所以我一直都好想揾到一隻有保濕、護膚成分嘅沐浴露，沖乾淨之餘，皮膚都keep住潤滑。今次有幸獲Oh!爸媽選中免費試用「蘆薈燕麥溫和沐浴露」，用咗幾日覺得效果好顯著，沖完涼之後一啲都唔痕！
呢款沐浴露同我以往用開嘅好唔同，擠出嚟杰杰地，有啲似body lotion，感覺好滋潤，就算冬天都好夠用。而且用落冇乜泡，好易沖洗，用完又唔會好似潤膚膏咁黏膩，好舒服。
至於味道方面，我覺得幾清新，聞落去甜甜地，有陣天然嘅堅果清香味，唔似啲香水沐浴露咁濃郁。而我最欣賞嘅就係佢嘅純天然、低敏配方，用上蘆薈、燕麥同天然植物精華，唔會咁易敏感。而且不含類固醇，一家大細長期用都好放心！