瑞士elmex® 兒童牙膏 - Jos Kwan

平時我買牙膏會揀甜嘅生果味同埋可以吞食嘅兒童牙膏，反而價錢，份量同產地都好少留意，其實都唔係好放心。
今次好幸運可以抽中試用elmex® 兒童牙膏！細仔9個月大有6隻牙仔，每日早、晚我會用紗布包住手指，唧小小elmex®兒童牙膏幫佢清潔牙仔，佢開初可能未習慣用新味道嘅牙膏。而6歲嘅二仔今次都一齊試用，平日愛甜食，唔鐘意刷牙嘅佢，之前成日話啲牙膏好辣 (明明係甜到漏嘅味)，今次都算乖，肯用呢支elmex®兒童牙膏刷牙，仲起碼刷一分鐘，佢話幾鐘意支牙膏淡淡既薄荷味，而且我見佢牙齒亦乾淨咗，白多咗少少，無前咁黃。elmex® 兒童牙膏係歐洲原裝入口，含有獨特的Olaflur配方，具高度滲透力，係牙齒表面形成氟化鈣，防止蛀牙，無糖不含防腐劑，令我好放心畀小朋友使用。做家長嘅我還學懂揀牙膏原來成份及產地都好重要。