維達 家居及廚房 消毒濕紙巾 - Ching Tam
年初疫症未蔓延、囡囡未出世前，對於選購消毒濕紙個陣根本唔會考慮消毒程度、去污能力、味道，可能只考慮價錢夠唔夠平，但呢家就十分注重消毒濕紙巾嘅殺菌殺病毒能力，當然殺得愈多愈好，而去污能力最好一抹就去盡所有油漬。
今次有機會試用維達 廚房消毒濕紙巾，一抹就愛上啦，唔使太大力，一抹就能抹走油漬，唔使出盡牛力先抹返乾淨，對於家中有BB嘅媽媽，簡直一試愛上，平時湊BB已經筋皮力，如果仲要出盡全力先抹到油漬，簡直可以話拎左媽媽條老命。由於呢款濕紙巾含APG去污因子，所以勁易去油，而且配方溫和，不含酒精及漂白劑，媽媽無帶手套用都唔傷手，最重要殺菌達99.9%，廚房經常處理食材，呢款濕紙巾真係必備。
當日我當然一試就用黎抹抽油煙機啦，唔使太大力，濕紙巾已吸滿油漬，每星期抹一至二次，新年大掃除都無辛苦。
而維達家居消毒濕紙巾真係方便好多在職媽媽，唔使下下浸洗兒童用品就能快速清潔消毒，有效殺滅新冠狀病毒，以及消滅99.9%大腸桿菌、金黃色葡萄球菌、流感病毒，減低囡囡感染機會。 我自己平時就會用消毒濕紙巾清潔兒童用品、玩具、廁所、洗手盆、家居表面等地方，然後再用清水抹一次，始終殺菌殺病毒都有一定嘅化學成份，唔想小朋友會有機會接觸到，食咗落肚。 所以自疫症開始，屋企都一定有家居消毒濕紙巾喺度每日周圍抹，而維達家居消毒濕紙巾係我暫時用過咁多款黎講都幾值得推介嘅一款。