維達 家居及廚房 消毒濕紙巾 - fantasytong
好開心可以試用維達家居及廚房呢兩款濕紙巾，試用過真係好用！
唔知大家有無用開濕紙巾，因為培樂媽我湊住兩個真係太忙，做咩都最緊要快同方便，所以抹地真係攞幾張濕紙巾拖幾下搞掂。
以前有用過啲太薄會抹十張都未抹完個地、太濃味怕兩個太細聞完會影響身體同埋high chair真係要餐餐抹，始終用黎食野真係極需要乾淨衛生。
維達家居濕紙巾呢方面真係幫到手，佢味道好好聞，抹完唔會有啲泡泡係物件表面（有啲牌子厚得黎好多清潔泡泡，培培一摸一擺就擺入口🤦🏻♀️），一兩張抹兩抹搞掂。
講到清潔廚房，我只能夠快😂 行入去無兩分鐘已經聽到出面有跌野聲喊聲，所以成日都要拿拿臨洗碗抹爐頭，維達廚房濕紙巾抹爐頭真係一流，幾油既油漬都可以一抹處理，仲有陣好香既檸檬味，抹完人都舒服哂。