彩豐「暖薑驅風滋養洗髮露」及 「暖薑驅風滋養沐浴露」- Ida

由細到大一到秋冬天就會手腳冰冷，尤其以前未興浴室寶之前，有得偷懶唔沖涼都唔會沖😂

今年岩岩生完bb，老一輩瘋狂叫唔好洗頭，但醫院啲護士因為疫症關係，反而建議我出院後點都洗一洗，唔好帶到啲病菌返屋企。因為我仲要埋身餵奶，所以我都有自己烹薑水快快沖一沖抹下身（記得要暖水同100%抹乾）。

生完後都要去幾次健康院覆診，每次烹薑水其實真係好麻煩。再加上原來薑水真係超級乾，沖完啲頭髮變左好似髮菜咁，同埋每次沖完個人勁熱，再加上夏天，但坐月又唔可以吹風扇等等，真係有啲麻煩。

試用左彩豐「暖薑驅風滋養洗髮露」及 「暖薑驅風滋養沐浴露」後，真係感嘆時代既進步😂 雖然有薑既成份，但用完一啲都唔乾燥，身體十分暖和但又唔會爆汗，感覺到自己血氣有改善同埋血液循環好左好多。

至於頭髮方面，相信生完嘅女士，都一定飽歷過掉頭髮嘅過程，我依家每日掉頭髮嘅情況，就好似有病一樣:( 用左暖薑驅風滋養洗髮露，掉髮情況改善左好又，髮質變得亮澤強韌。

真心推薦以上兩款洗髮露及沐浴露比手腳冰冷嘅人同啱啱坐月嘅女士，尤其最適合就快踏入秋冬嘅季節同埋疫情中蔓延嘅日子使用。