彩豐「寵物地板消毒清潔液」及「寵物趕走跳蝨牛蜱噴霧」 - Sweetieconnie

感謝選中我成為試用專員，好開心今次可以試用彩豐「寵物地板消毒清潔液」及「寵物趕走跳蝨牛蜱噴霧」，以下係今次用後感：

寵物地板消毒清潔液去污垢非常有效，而且仲有一陣陣嘅清香，難得嘅係產品含天然茶樹精油成分，亦不含螢光劑及漂白劑，咁樣對寵物嘅刺激可以減到最低，各位主人亦都可以放心使用，因為過往用其他消毒產品，即使係已稀釋，用後都會觀察下寵物嘅反應，例如皮膚等…另一好處係去除到寵物異味，即使係主人，有時都幾難頂到個陣味，有左寵物地板消毒清潔液，起碼解決左一大煩惱。

至於寵物趕走跳蝨牛蜱噴霧就更加為寵物而設，針對番跳蝨牛蜱嘅問題同困擾，大家都知道如果染上跳蝨或牛蜱，係可以相當麻煩，除左寵物會感到痕癢之外，對主人一樣可以造成困擾，所以就算家中毛孩暫時無受跳蝨或牛蜱問題影響，都會定時噴灑，以防感染，產品仲可以袪除寵物身上異味，一舉兩得。